કાચી કેરી નું શાક

સામગ્રી :- ૧ કપ કાચી કેરી ના ટુકડા , તેલ ૨-૩ ચમચી , રાઈ ૧/૪ ચમચી ,જીરું ૧/૪ ચમચી , તજ ૧ ટુકડો , લવિંગ ૨ નંગ , તમાલ પત્ર ૨-૩ પત્તા ,આખા સુકા લાલ મરચા ૨-૩ , હિંગચપટી,મીઠું સ્વાદ મુજબ , લાલ મરચું પાવડર ૨ ચમચી , હળદર પાવડર ૧/૨ ચમચી, ધાણાજીરું પાવડર ૧ ચમચી , ખાંડ અથવા ગોળ સ્વાદ મુજબ . કોથમીર સજાવટ માટે .

રીત :- સૌ પ્રથમ કાચી કેરી ને ધોઈ તેના ટુકડા કરો . આ ટુકડા ને ગરમ પાણી માં ૩-૪ મીનીટ ઉકળવા દો. નરમ થાય એટલે ચારણી માં નીતારી લો . હવે એક પેન માં તેલ લો .તેલ ગરમ થાય એટલે તેમાં રાઈ નાખો , રાઈ તતડી જાય પછી જીરું નાખો .હવે તેમાં હિંગ ,આખા સુકા લાલ મરચા ,તજ લવિંગ, તમાલ પત્ર નાખો . બધું બરાબર મિક્સ થાય એટલે એમાં કેરી ના ટુકડા , હળદર,મરચું પાવડર, ધાણાજીરું , મીઠું, ખાંડ અથવા ગોળ નાખો જરૂર લાગે તો થોડું પાણી નાખો. બરાબર મિક્સ કરો.કોથમીર નાખી સજાવો .રોટલી, પૂરી ,પરોઠા ,થેપલા સાથે સરસ લાગે છે .

Leave a Reply