મહેલ મોટા ને મન જેના સાંકડા રે , કોઈ જાશો ના એવા ને આંગણે રે
અંદર મેલા ને બહાર ઉજળા રે , નામ મોટા ને કાળા જેના કામ રે …કોઈ જાશો
જમ જેવા મહેમાન જેને લાગતા રે , જેની વાણી માં નહી આદરમાન રે ….કોઈ જાશો
અમે ડાહ્યા ને બીજા મૂરખા રે ,હોય અંતર માં એવા અભિમાન રે ……કોઈ જાશો
હોય લક્ષ્મી નો મદ જેની આંખ માં રે , જેની વાણી માં હોય તિરસ્કાર રે ……કોઈ જાશો
સ્વાર્થ સુધી ની જેની પ્રીતડી રે , સરે સ્વાર્થ અને કાઢે ઘર બહાર રે …..કોઈ જાશો
કદી સારા કર્મો ન થાય જે હાથ થી રે , જેની તિજોરી માં ગરીબો ની હાય રે ..કોઈ જાશો
ગુણી જનો નો સંગ જેને ના ગમે રે ,દુર્જન ના સંગે ખુશ થાય રે …કોઈ જાશો ના