વાહલી દીકરી સાંભળ ને :
આમ તો કાન મારા બિલકૂલ સારા છે ; ફક્ત આવીને વાહલ થી આમળી જા ને
માથું મારું સહેજ પણ દુઃખતું નથી ; ફક્ત આવીને વહાલ થી પંપાળી જા ને
કેટલી ડાહ્યી થઇ ગઈ છે તું ; ફક્ત અચાનક આવીને જીદ્દી ધમાલ મચાવી જા ને
સાચ્ચું કહું છું તારો ખાલીપો મને સતાવતો નથી ; ફક્ત આવી ને તારી હાજરી નો કમાલ બતાવી જા ને
નજર ફરે છે ઘર ના દરેક ખાલી ખૂણા પર ; ફક્ત આવી ને દરેક ખૂણા સજાવી જા ને
હસતા હસતા અટકી જાય છે હોંઠો ના વણાંક ; ફક્ત આવી ને ખડખડાટ હસાવી જા ને
હવે ક્યા શક્ય છે તને પીઠ પર બેસાડી ને ફરવાનું ; ફક્ત આવી ને વાંસા પર કોમલ હાથ ફેરવી જા ને
દિલ માં દીકરી માટે વિશિષ્ટ જગ્યા હોય છે ; ફક્ત આવી ને એ જગ્યા પર ડોક્યું કરી જા ને
મારી આંખો માં કઈ ભીનાશ નથી ; ફક્ત આવી ને એ બાબત ની હાશ કરી જા ને
Leave a Reply