સબરસ -જીવન નો ટુંકસાર

આપ સૌ વાચક મિત્રો ને અમારા પરિવાર તરફ થી નૂતન વર્ષાભિનંદન .

શ્રી જગદીશ ભાઈ સોની ની  એફ .બી  ઉપર મુકેલી આ એક સુંદર પોસ્ટ આપ સૌ વાચક મિત્રો સાથે શેર કરું છું .

કોઇ અજાણ્યો ચહેરો વહેલી સવારે ‘સબરસ’ આપી ગયો…
જાણે નૂતન વર્ષની બધી શુભેચ્છાઓ નો સાર આપી ગયો.!
વહેલી પરોઢે કુરિયર માં કુદરતનો સંદેશ જાણે આપી ગયો.!

આમ ખારું ને તો ય નામ મીઠું.!?
સવાલ આવો મૂકતો ગયો…
નાના ચાર ટુકડા દઇ,
વિચારતો કરતો ગયો.

પ્રમાણ જાળવો તો મીઠું, ને નહીં તો ખારું.!
સબરસ દઈ – આ જીવન સત્ય પ્રગટ કરતો ગયો.!!

જીવનના કડવા, ખાટા, તૂરા રસને
સમરસ કરવાનો કિમીયો દેતો ગયો….
થોડી અમથી બોણી સામે ભેટ -કિંમતી દેતો ગયો.!!

સ્વાદ અને જીવન : બેસ્વાદ – ફીકા બનતા અટકાવવાની જાણે સામગ્રી આપતો ગયો….
ને આ સામગ્રી તો હાથવગી છે,
એનું ભાન કરાવતો ગયો.!!

જમણ હો કે જીવન : સ્વાદ વિનાની સજાવટ થી નકામા.!
પણ બેઉનો ‘આસ્વાદ’ લેવાની ચાવી સબરસ માં….
સપરમા દહાડે આ ગુરુચાવી દેતો ગયો….

નવા વર્ષની પહેલી-વહેલી પરોઢે ધન્ય કરતો ગયો,…

એક નિર્દોષ – માસૂમ છોકરો, સબરસ સાથે
કેટલું બધું દેતો ગયો.!!

✍? unknown

 


Posted

in

by

Tags:

Comments

Leave a Reply

%d bloggers like this: