વેલો વેલો આવ વહાલા વરસાદ!

ડિયર મોન્સૂન,
કેરળ-તમિલનાડુથી ગુજરાત સુધી પહોંચતાં આટલી બધી વાર?

જલ્દી આય ભાઈ, અહીંયા એસીનાં બિલો વધે છે.
રસ્તાઓ ધોવાઈ જવા માટે બેબાકળા બન્યા છે. કોન્ટ્રાક્ટરોનાં છોકરાં નવી ગાડી માટે કજિયો કરે છે, ને એના પપ્પાઓ ‘એક વરસાદ પડી જવા દે’ એવા વાયદાઓ કરે છે.

ઘણા બધાને સ્વિમિંગ શીખવું છે, રેઇનકોટ-છત્રીઓ માર્કેટમાં ખડકાઈ ગયાં છે, પણ તારા અભાવે વકરો શરુ થવાને વાર છે.

દાળવડાં-ભજિયાં વગર લોકોની આંતરડી કકળે છે. ફેસબુક પર સેલ્ફીઓ પણ સાવ નપાણિયા થઈ ગયા છે.

ટિટોડીનાં ઈંડાંમાંથી બચ્ચા પણ આવી ગયાં ને સૂકવેલા ગોટલાના મુખવાસ પણ બની ગયા.
તારા વગર ‘અમીછાંટણાં’, ‘ધડાકાભેર’,

‘મેઘસવારી’,

‘સર્વત્ર શ્રીકાર’,

‘નવી આવક’, ‘જળબંબાકાર’,

‘સાંબેલાધાર’, ‘

ઓવરફ્લો’, ‘

ખતરાના નિશાનથી ઉપર’, ‘ઉપરવાસમાં’, ‘

નીચાણવાળા વિસ્તારો પાણીમાં ગરકાવ’

, ‘ડિઝાસ્ટર મેનેજમેન્ટના દાવા પોકળ’

, ‘પ્રિમોન્સૂન પ્લાન ધોવાયો’, ‘ઠેર ઠેર ભૂવા પડ્યા’
જેવા શબ્દપ્રયોગો વિના ગુજરાતી ભાષા ઑક્સિજન લેવા માંડી છે. હજારો દેડકાઓ અને કરોડો કવિઓ પણ તારા વિના ટળવળે છે. તારા વિના ‘પલળેલાં ભીનાં બદન’નાં લેખો સૂકાભઠ ચિંતનાત્મક થઈ ગયાં છે. અમારી ભાષા મરી પરવારશે એનું તને કંઈ ભાન છે?!

એટલે ભાઈ, તને પણ વિજય માલ્યાની જેમ ભાગેડુ જાહેર કરાય એ પહેલાં આવી જા.
લિખિતંગ,

ટુવાલથી પરસેવા લૂછતો એક કોરોધાકોર ગુજરાતી.

સુઘરી નો માળો

થોડો બાવળને આવ્યો કંટાળો 

ઑફિસમાં બોલાવી સુઘરીને પૂછ્યું કે કેટલોક બાકી છે માળો ?

થોડો બાવળને આવ્યો કંટાળો
‘સુઘરી’ કહે કે સાહેબ પોતાનું ઘર છે કાંઈ બિલ્ડરની જેમ થોડું બાંધીએ ?

એક એક તરણાની રાખીએ ડિટેલ, એને જાતમાં પરોવીએ ને સાંધીએ,

વ્હાલસોયાં બચ્ચાંનો હોય છે સવાલ એમાં સ્હેજે ના ચાલે ગોટાળો !

થોડો બાવળને આવ્યો કંટાળો
ધોધમાર ધોધમાર વરસે વરસાદ તોય છાંટાની લાગે ના બીક,

ફલૅટની દીવાલ અને ધાબાં જોયાં છે એક ઝાપટામાં થઈ જતાં લીક,

રેતી સિમેન્ટમાં હેત જો ભળે ને તો જ બનતો આ માળો હૂંફાળો !

થોડો બાવળને આવ્યો કંટાળો
ક્વૉલિટી માટે તો ધીરજ પણ જોઈએ ને ? બાવળ કહે કે ભાઈ ‘ઓકે’,

ચોમાસું માથે છે એટલે કહ્યું જરાક જાવ હવે કોઈ નહીં ટોકે,

ખોટું ના લાગે તો એક વાત કહી દઉં કે –

આ ઊંધા લટકીને જે પ્લાસ્ટર કરો છો, એમાં થોડીક શરમાય છે આ ડાળો !

થોડો બાવળને આવ્યો કંટાળો
— કૃષ્ણ દવે

​એક સમજુ પિતાનો પત્ર :

એક સમજુ પિતા નો પત્ર:

પ્રિય પુત્ર,

આ પત્ર હું તને ૩ કારણોસર લખું છું ..
૧) જીવન, નસીબ અને મૃત્યું કોઈ જાણી શક્યું નથી. તો અમુક વાત જરૂરી છે કે વહેલા માં વહેલી જ કહી દેવાય .
૨) હું તારો પિતા છું અને આવી વાત જો હું નહિ કહું તો તને કોઈ જ નહિ કહી શકે.
૩) આ બધી વાત હું મારા અનુભવ થી કહું છું અને જો હું નહિ કહું તો પણ તું તારા જીવન થી શીખીશ જ પણ ત્યારે તને વધુ તકલીફ પડશે અને કદાચ સમય પણ નહિ હોય.. જીવન સારૂ ને શાંતિ થી જીવવા આટલું જ કરજે
૧) જો કોઈ તારી સાથે સારો વ્યવહાર ના કરે તો મન માં ના લાવીશ. તારી સાથે સારી રીતે વર્તવા ની ફરજ ફક્ત મારી અને તારી મમ્મીની જ છે. બાકી દુનિયા નો કોઈ પણ વ્યક્તિ તને દુઃખ આપી શકે છે. તો એના માટે માનસિક રીતે હંમેશા તૈયાર જ રહેવું . કોઈ પણ તારી સાથે સારું વર્તન કરે તો એનો આભાર વ્યક્ત કરવો પણ હંમેશા સાવચેત રહેવું. આ દુનિયામાં મારી અને તારા મમ્મી સિવાય બધા નો સારો વ્યવહાર પાછળ કોઈ હેતુ / સ્વાર્થ પણ હોઈ શકે. ઉતાવળ માં કોઈ ને સારા મિત્ર ના માની લેવા.
૨) દુનિયા માં કોઈ પણ એવી વસ્તુ નથી કે જેના વગર જીવી ન શકાય. આ વાત તને ખાસ કામ લાગશે જયારે તને કોઈ તરછોડી દેશે કે તારી પસંદ ની વ્યક્તિ કે વસ્તુ તને નહિ મળે. જીંદગી ચાલ્યા જ કરે છે અને બધી વસ્તુ કે વ્યક્તિ વગર ખુશ રહેતા શીખ જે .
૩) જીંદગી ટૂંકી છે. જો તું આજનો દિવસ વેડફીશ

તો કાલે તને જીંદગી પૂરી થતી લાગશે. તો જીંદગી ના દરેક દિવસ દરેક પલ નો સદુપયોગ કર.
૪) પ્રેમ બીજું કઈ નથી પણ એક બદલાતી લાગણી જ છે જે સમય અને સંજોગો સાથે બદલાતી રહે છે. તો તારો પ્રેમ તને છોડી જાય તો સંયમ રાખ. સમય દરેક દર્દ ને ભુલાવે જ છે. કોઈ ની સુંદરતા અથવા પ્રેમ માં જરૂરત કરતા વધુ ડૂબી નો જવું એમ જ કોઈ ના દુઃખ માં પણ જરૂર કરતા વધુ પરેશાન ન થવું.
૫) અભ્યાસ માં ઘણા નબળા માણસો પણ સફળ બન્યા છે. પણ એનો મતલબ એ નથી કે અભણ કે અભ્યાસ માં નબળો માણસ સફળ જ થાય. વિદ્યા થી વધુ કશું જ નથી. ભણવા ના સમયે ધગશ થી ભણો.
૬) હું નથી ઈચ્છતો કે નથી આશા રાખતો કે તું મને મારા વૃદ્ધ સમય માં મદદ કરે. અથવા હું પણ તને આખી જીંદગી સહારો આપી શકીશ કે નહિ? મારી ફરજ તને મોટો કરી, સારું ભણતર આપી પૂરી થાય છે. એ પછી તું limousine / BMW માં ફરીશ કે પછી સરકારી બસ માં એ તારી મહેનત અને આવડત ઉપર નિર્ભર છે.
૭) તું તારું વચન હંમેશા પાળજે. પણ બીજા એમનું વચન પાળશે જ એવી આશા ન રાખવી. તું સારું કર પણ બીજા સારું જ કરશે એવી આશા પણ ન રાખવી. જો આ વાત તને સમજાઇ જશે તો તારા જીવન ના મોટા ભાગ ના દુઃખ દૂર થઇ જશે.
૮) મેં ઘણી લોટરી ની ટીકીટ ખરીદી છે. પણ એક પણ લાગી નથી. જીવન માં એમ નસીબ થી જ અમીર થવાતું નથી. એના માટે ખુબ મહેનત કરવી જ પડે છે. તો મહેનત થી કોઈ દિવસ ભાગતો નહિ.
૯) જીવન ખુબ જ ટૂંકું છે અને કાળ નો ભરોસો નથી તો જેટલો વધુ સમય આપણે સાથે વિતાવી શકીએ વિતાવી લઈએ કારણ કે આવતો જનમ તો આવશે જ પણ એ જનમ માં આપણે મળશું કે નહિ તે ખબર નથી . તો આ જનમ માં વધુ માં વધુ સમય પરિવાર સાથે વિતાવો.
સ્વજનો.. જો આ વાક્યો સોનેરી લાગ્યા હોય તો એક-બે વધુ સ્વજનોને શેર કરજો ..

સહ્રદયથી શ્રેષ્ઠ શુભેચ્છાઓ….

મેઘ તારે વાદળ લઇ આવવાના નહિ

પ્રસ્તુત છે  ‘વરસાદ’ વિશેનું એ શહેરી ગીત …
મેઘ તારે વાદળ લઇ આવવાના નહિ

વૃક્ષોને વાઢીને ઉગેલા શહેરો પર છાંટા નક્કામા વરસાવવાના નહિ
ખેતરમાં, કોતરમાં, વનમાં ને વગડામાં ટાણે-અટાણે તું આવે તે ચાલે,

પૂછીને આવવાનું રાખજે આ શહેરમાં “આઠ ને ચાલીસે આવું હું કાલે?”

લોકો છે કોરા; ભીંજાવવાના નહિ…

મેઘ તારે….
નોકરીઓ માંડમાંડ સાચવીયે છિયે એમાં છત્રીઓ કેમ કરી સાચવવી ?

પેલ્લા વરસાદનો છાંટો વાગે તો એની ખુશી કે તકલીફો દાખવવી ?

ભીતરનાં પારખા કરાવવાના નહિ…

મેઘ તારે….
એ પણ છે ખોટું કે જૂના સ્મરણ બધાં વરસી પડે છે તારી સાથે,

પીગળવા માંડે છે થીજેલી લાગણીઓ, કામ નથી પકડાતું હાથે

યંત્રોને માનવી બનાવવાના નહિ…
મેઘ તારે વાદળ લઇ આવવાના નહિ

વૃક્ષોને વાઢીને ઉગેલા શહેરો પર છાંટા નક્કામા વરસાવવાના નહિ
શહેરી

હળવી રમૂજ 

હસો અને હસાવો

ગુજરાતી રમુજ :

બાપુ:- આ ટામેટા કેમ આપ્યા?

શાકવાળી:- 20 ના 500

બાપુ:- તો હાલો ગણવા માંડો.
😂😂😂😂😂😂😂

ગુજરાતી રમુજ :

એક વાર બાપુ બેંકમાં પૈસા જમા કરાવા ગયા,

ઓફિસર – નોટ ફાટેલી છે, બીજી આપો

બાપુ – હું મારા એકાઉંટમાં જમા કરાવું છું, ફાટેલી હોય કે નવી તારે શું?
😂😂😂😂😂😂😂😂

😂😂😂😂😂😂😂

ગુજરાતી રમુજ :

બાપુ  એ બેંક લોંન પર કાર લીધી હપ્તા ના ભર્યા તો બેંક વાળા કાર પછી લઇ ગયા.

બાપુ :- પહેલા ખબર હોત તો લગન પણ લોન લઈને  કરત.
😂😂😂😂😂😂😂😂

ગુજરાતી રમુજ :

બાપુનો અકસ્માત થયો. ડોક્ટર: “ટાકા લેવા પડશે.”

બાપુ: “કેટલા રૂપિયા થશે?”

ડોક્ટર: “૩૦૦૦”

બાપુ: “નવરીના ટાકા લેવાના છે, ભરતકામ નથી કરવાનું.”
😂😂😂😂😂😂😂😂

ગુજરાતી રમુજ :

બાપુ: “ડોકટર તમે મારો દારૂ છોડાવી શકો છો?”

ડોક્ટર: “ચોક્કસ, સો ટકા”

બાપુ: “તો પોલીસ ચોકી માં મારી ૪૦ બોટલો પડી છે, છોડાવી આપો”
😂😂😂😂😂😂😂😂

ગુજરાતી રમુજ :

પોલીસ: “અમે તમને ચારે બાજુથી ઘેરી લીધા છે”

બાપુ: “હે ??????”

થોડી વાર વિચાર્યું પછી…. “તો હાલો ગરબા ચાલુ કરો”

😂😂😂😂😂😂😂😂

ગુજરાતી રમુજ :

બાપુએ પહેલીવાર પોતાની ગર્લ ફ્રેન્ડના ખભે હાથ મુક્યો અને હળવેકથી બોલ્યા, “I LOVE YOU”

ગર્લફ્રેન્ડઃ “જોર સે બોલો”

બાપુ- “જય માતાજી”
😂😂😂😂😂😂😂😂

ગુજરાતી રમુજ :

બા: મેં આજે ટોકીઝ માં “પા” પિક્ચર જોયું .

બાપુ: ગઈ તી તો આખું જોઈ ને જ આવવું હતું ને..

😂😂😂😂😂😂😂😂

ગુજરાતી રમુજ :

બાપુ ની ડેલી પાસે ભીખારી જમવા બેઠો

બાપુ : શું કરે છે?

ભીખારી: ખાઉં  છું.

બાપુ: રોટલી કોરી કેમ ખાય છે? ઘી લગાડી દઉં ?

ભીખારી: ના  કાલે  શાક  ગરમ  કરવા  દીધું  તું  એ  હજુ  નથી  આવ્યું.
😂😂😂😂😂😂😂😂

ગુજરાતી રમુજ :

બાપુ- અરે વાહ તેતો લગ્ન પણ કરી લીધા ને , ભાભીનું નામ શું છે?

બીજા બાપુ- ‘ગુગલ બા’

બાપુ- કેમ લ્યા આવું નામ?

બીજા બાપુ- પ્રશ્ન એક કરો તો જવાબ દસ આપે છે.
😂😂😂😂😂😂😂😂

ગુજરાતી રમુજ :

બાપુ બીડી પિતા હતા..

મગન: બાપુ તમારી બીડી માંથી ધુમાડા કેમ નથી નીકળતા?

બાપુ: તે ના નીકળે આ તો CNG બીડી છે

F

😂😂😂😂😂😂😂😂😂

ગુજરાતી રમુજ :

બાપુ હોટલ મેનેજરને ગુસ્સેથી:-  આવડી નાની ઓરડી? એમાં એક ટેબલ, એક પંખો છે ને ભાડું ૧૫૦૦ રૂપિયા ? અમને લુંટવા બેઠા છો?

હોટલ મેનેજર:- ખમ્મા બાપુ ખમ્મા ” રૂમ જોવાનો હજી બાકી છે આતો લીફ્ટ છે”

😂😂😂😂😂😂😂

ગુજરાતી રમુજ :

દારૂના લીધે બરબાદ થયેલ બાપુએ કસમ ખાધી,

ને ઘરમાંથી દારૂની ખાલી બોટલો ફેકવા લાગ્યા,

પેલી ફેકી ને બોલ્યા – તારા લીધે મારી નોકરી ગયી

બીજી ફેકી – તારા લીધે મારું ઘર ગ્યું, 

ત્રીજી ફેકી – તારા લીધે મારું બૈરું ગ્યું,

ચોથી ભરેલી નીકળી,

તો કહે – તું સાઈડમાં આવી જા આમાં તારો કઈ વાંક નથી

😂😂😂😂😂😂

રહી ગયું

ખુદની સાથે  મળવાનું રહી ગયું,

ભીતર તરફ વળવાનું રહી ગયું !
ટીકા કરતો રહ્યો હું હંમેશા અન્યની,

અને ખુદને પરખવાનું રહી ગયું !
દૂરના સંબંધોમાં વ્યસ્ત રહ્યો સદા,

નિકટના સાથે ભળવાનું રહી ગયું!
કાબાથી કાશી સુધી પથ્થર પૂજ્યા કર્યા,

અને , ઈશ્વરને ઓળખવાનું રહી ગયું!
ગણ્યા કર્યા પેલા  મુઠ્ઠીભર સિક્કા વ્યર્થ,

અને પેલું સુખ ગણવાનું રહી ગયું !  
બે થોથા ભણી લીધા ને હોંશિયાર થઇ ગયો,

પણ,  જ્ઞાન સમજવાનું રહી ગયું  !
ઝપાટાભેર વહી રહી આ જિંદગી 

અને સાલું, આ જીવવાનું તો રહી ગયું !

બાહુબલી

બે દીવસ પહેલાં સુરતમાં એક મિત્રના ઘરે રોકાએલો, બીજા પણ બે એક મિત્રો ત્યાં મળવા આવેલા, રાત્રે જમ્યા પછી વાતચીતમાં નક્કી કર્યું કે કાલે મોર્નીગશો માં બાહુબલી મુવી જોવા જઈએ……

સવારે લગભગ પાંચ વાગે ઉંઘ ઉડી ગઈ, સરસ ખુશનુમા વાતાવરણ હતું, ઘરની બારી માંથી આખી સોસાયટીનો રોડ દેખાતો હતો, એક સત્તર અઠાર વર્સનો છોકરો સાઈકલ લઈને સોસાયટીમાં પ્રવેશ્યો, એની સાયકલ ના સ્ટેરીંગ પર એક બાજું ડોલ લટકાવેલી હતી, અને સ્ટેરીંગ પર વચ્યે કેટલાક ગાભા ડુચા મુકેલા હતા, મને નવાઈ લાગી કે આટલી વહેલી પરોઢે એ સું કરતો કે વેચતો હશે, એટલે મે એના તરફ ધ્યાન આપ્યું,તેણે સોસાયટીના પહેલા ઘરપાંસે સાઈકલ પાર્ક કરી, સાયકલ પરની ડોલ લઈને એ ઘરના વરંડામાં જઈને ડોલ પાણી ભરી લાવ્યો, અને ડુચાથી ત્યાં પાર્ક કરેલી ગાડી સાફ કરવા લાગ્યો, એને જોનાર કોઈ ન હતું, છતાં કામચોરી કર્યા વીના લગભગ પંદરેક મીનીટમાં એણે ગાડી ચકાચક કરી નાખી, પછી બીજા ઘર પાંસેની બીજી ગાડી, પછી ત્રીજી… આમ કરતાં એ હું રોકાયેલો એ ધર પાંસે મારા મીત્રની ગાડી સાફ કરવા આવ્યો, એટલે હું એની સાંથે વાત કરવા બહાર નીકળ્યો..

મે એને ગુડમોર્નીગ યંગ બોય કહ્યું… તો એણે પણ સસ્મીત ગુડમોર્નીગ કહ્યું,……

તું ભણે છે….?

હા સાહેબ આ વર્સે અગીયાર કોમર્સ પાસ કર્યું, હવે બારમું….

કેટલા ભાઈ બહેન છો….?

બે બહેન એક ભાઈ, અમે ચાર..સૌથી મોટો હું….

મા બાપ….

પપ્પાને અસ્થમાની બીમારી છે, એક કેમીકલ કંપ્પનીમાં કામ કરતા હતા, હવે બીમારીના કારણે કામ નથી થતું, મમ્મી ચાર પાંચ જણાંના ટીફીન બનાવે અને નાના ભાઈ બહેન ને સાચવે..હું સવારે પાંચથી આંઠ સુધીમાં આ સોસાયટીની અગીયાર ગાડી સાફ કરું, એક ગાડીના મહીને ત્રણસો રૂપિયા મળે, પછી એક ફ્રુટની વખાર પર કામ કરું,વેકેશન છે એટલે હમણાં દસ વાગ્યાથી સાંજે પાંચ સુંધી વખાર પર… પછી સાંજે સાડા છ થી અગીયાર એક ચાઈનીઝ ફુડની લારી પર લોકોના ઓડર લેવાનું અને બીલ બનાવવાનું કામ કરું….ચલો સાહેબ આપની ગાડી સાફ થૈ ગઈ, હવે આગળની ગાડીએ જાઉં…..

હુ : અરે દોસ્ત હાથ તો મીલાવતો જા, તને મળીને આનંદ થયો….

છોકરો : સાહેબ હાથ મેલા છે…

હું ; તું જેને મેલા સમજેછે એતો મહેનતની નીશાની છે, કાશ એને અડવાથી મારામાં કોઈ એનર્જી ક્રીયેટ થાય…..

છોકરો : તમેય શું સાહેબ મજાક કરો છો…. 

અને હસતો હસતો આગળ ચાલ્યો ગયો…

લગભગ આંઠેક વાગે મિત્રનો ફોન આવ્યો… આવેછેને બાહુબલી જોવા, ટીકીટ બુક કરાવું…?

મે એને ના કહી… કેમ કે મે આજે અર્લી મોર્નીગ શોમાં રીયલ બાહુબલીને જોયો હતો, ફીલ્મનો કાલ્પનીક બાહુબલી મુળ સાંથે મોટા ઝાડને ઉખાડી નાખતો હશે, પણ મે જોયેલો રીયલ બાહુબલી તો જીવનના ઝંઝાવાતમાં ઉગેલા કાંટાળા વટવ્રુક્ષ સમાન કુટુંબ આપત્તી નામના ઝાડને ફક્ત સત્તર વર્સની ઉંમરે બાથ ભીડીને ઉભો છે, એ પરીસ્થીતી પર વિલાપ નથી કરતો કે ન કુદરતને શીકાયત, ફક્ત શ્રમસંસય વિના શ્રમબલી બની વિધાતાને પણ તેની નીયતી બદલવા મજબુર કરે છે….

સલામ એ રીયલ લાઈફના કાંડાબળીયા, બાહુબલી, શ્રમબળીયા ને……..

સ્ત્રી 

જે પાત્રમાં ઢાળો, ઢળી જશે – જળ છે સ્ત્રી,

દરેકના જીવનમાં ભળી જશે – પળ છે સ્ત્રી.
જોઈએ છે તેને સ્નેહ અને સન્માન, ફક્ત,

તે માટે બધાથી લડી જશે – પ્રબળ છે સ્ત્રી.
છેતરાઈ ભલે જાય, જાણવા છતાં ભરોસામાં,

મનને એ તરત કળી જશે – અકળ છે સ્ત્રી.
મંજિલ તેની ફક્ત હૃદયના સ્તર પર સંતોષ.

પ્રેમ આપશો તો મળી જશે – સ્થળ છે સ્ત્રી.
કોશિશ સતત, બધાને ખુશ રાખવાની ‘અખ્તર’,

બધાયને જીવન ફળી જશે – સફળ છે સ્ત્રી.