માવડી રે માવડી , ગુમાવી વહાલ ની વેલડી ,
કોણ લેશે હવે અમારી ભાળ ,માવડી .
મલકતું મુખડું દુઃખ અમારા હરતું ,
તારા ખોળાની ખોટ ના પુરાય , માવડી .
વહાલ વેરતી આંખડી , મીઠી તારી ગોઠડી ,
બેટા સાંભળવા કાન અધીરા થાય , માવડી .
રીસાઈ ગઈ તું શાને માડી ,ભૂલ કાંઈ થઇ છે મારી ,
મારી ભૂલ ને તું માફ કર ,માવડી .
આત્મા તારો માવડી જ્યા ગયો હશે ,
શ્રીજીબાવા લેશે સંભાળ .માવડી
શબ્દો ની શ્રદ્ધાંજલિ તારા ચરણે ધરી ,
આશિષ દેજે અપાર .માવડી
પૂ.બા ના ચરણો મા વંદન સહીત જય શ્રી કૃષ્ણ .
માયા રાયચુરા .
Leave a Reply