Category: શાયરી

દમકતો ને ચમકતો શાહજહાંનો મહેલ જોવા દે , મને ધનવાન મજનૂએ કરેલો ખેલ જોવા દે , પ્રદર્શન કાજ ચાહત કેદ છે જેમાં જમાનાથી , મને એ ખૂબસૂરત પથ્થરોની જેલ જોવા દે.  

હો ભીડમાં જ સારૂં, બધામાં ભળી જવાય, એકાંતમાં તો જાતને સામે મળી જવાય; સામે મળી જવાય તો બીજું તો કંઈ નહીં, પણ કેમ છો કહીને ન પાછા વળી જવાય. – આદિલ મન્સૂરી

ગમ ખાઈ ને ભુખ ભાંગી  શકું છું ,આંસુ પી ને તરસ છીપાવી શકું છું , દિલ માં ભલે હો ઉદાસી ,ચહેરા ઉપર સ્મિત ફરકાવી શકું છું , દુ:ખો ને ભૂલી સુખો ની લહાણી કરી શકું છું , કદાચ એટલેજ હારી ને પણ  ,સહુ કોઈ ના દિલો જીતી શકું છું .

કોણ પારકું ને કોણ પોતાનું છે ,બસ સહુ પોત પોતાનું છે , મતલબ હોય ત્યાં સુધી  આસપાસ ભમે છે સહુ  , બાકી તો  હોઈએ જયારે મઝધાર માં , ત્યારે જ કિનારા કરે છે સહુ  .    

અજાણ છું એ ગુના થી જેની સજા મળી છે , લાગે છે કોઈ ની બદ્દ્દુઆ ફળી છે , સમજી ન શક્યું કોઈ  પ્રેમ ના દર્દ ને , હકીમો એ પણ તોબા  કરી છે .        

બચ્યા છે કેટલા ? એ શબ્દ પણ ગણી લઉં છું છૂટો પડું છું ને ખુદની સિલક ગણી લઉં છું ક્ષણો, કલાક, દિવસ, માસ, વર્ષ કે સૈકા તમે હો એવા સમયને પ્રણય ગણી લઉં છું

આંસુઓ  ના પડે પ્રતિબિંબ એવા દર્પણ ક્યાં છે ? કહ્યા વિના સઘળું સમજે એવા સગપણ ક્યાં છે ?

જીવન જેવું જીવું છું, એવું કાગળ પર ઉતારું છું; ઉતારું છું, પછી થોડું ઘણું એને મઠારું છું. તફાવત એ જ છે, તારા અને મારા વિષે, જાહિદ! વિચારીને તું જીવે છે, હું જીવીને વિચારું છું. – અમૃત ‘ઘાયલ’

પ્રેમ રૂપી મૂડી રોકી જુઓ ,વ્યાજ નિરંતર વધતું  જાશે , પ્રેમ પુષ્પો પ્રસરાવી તો જુઓ ,જીવન બાગ મહેકી જાશે .

મુજે તુમ્હી સે મુહોબ્બત ઔર તેરી હી આરઝૂ  હૈ , જમાના ક્યાં જાને યે દો  દિલોં કી ગુફતેગુ  હૈ . લ્યો  આ બીજી પણ હિન્દી  માં જ લખી ગઈ ,કાંઈ વાંધો નહી ,આપણે તો શેર શાયરી ની મજા જ માણવી છે ને . માયા રાયચુરા .