પ્રેમ ના અનુવાદ માં તું ચાલ ને વરસાદ માં – અનીલ ચાવડા

આ વરસાદીયા વાતાવરણ ની ભીનાશ સાથે આજે શ્રી અનીલ ભાઈ ચાવડા ની આ ગઝલ એફ.બી ઉપર વાંચી ને આપ સૌ સાથે શેર કરવાનું મન થઇ ગયું .આશા છે આપ સૌ ને પણ જરૂર ગમશે .

પ્રેમના અનુવાદમાં, તું ચાલને વરસાદમાં.
કોઇ પણ સંવાદમાં, તું ચાલને વરસાદમાં.

આગવી ભીનાશ લઇ ને લઇ પલળવું આગવું,
આગવા અવસાદમાં, તું ચાલને વરસાદમાં.

કોઇ પણ બંધન નહીં ને કોઇ પણ અડચણ નહીં,
માનનાં મરજાદમાં, તું ચાલને વરસાદમાં.

એકલી તું ? એકલો હું ? આપણે બન્ને જણા,
વાદ કે વિખવાદમાં, તું ચાલને વરસાદમાં.

એક વાદળ, એક કાજલ, એક પળ ને એક સ્થળ
એકલા ઉન્માદમાં, તું ચાલને વરસાદમાં.

– અનિલ ચાવડા


Posted

in

by

Tags:

Comments

Leave a Reply

%d bloggers like this: