હું તો લજામણી ની ડાળી -તુષાર શુકલ

ઓ મારા મન ઉપવનના માળી હું તો લજામણીની ડાળી.

મહિયરમાં મસ્તીમાં ઝૂમી મનગમતું મરજીથી ઘૂમી;
વગર ઓઢણે શેરી પાદર પવન પજવતો ચૂમી ચૂમી;
આજ હવે અણજાણ્યે આંગણ પ્રીત બની ગઈ પાળી.

મહિયરની માટીમાં મ્હોરી, શ્રાવણ ભીંજીમ, ફાગણ ફોરી;
કૈંક ટહુકતાં સ્મરણો ભીતર, ચૂનરી છોને કોરી કોરી;
સપનાં જેવી જિંદગી જાતે ગાળી અને ઓગાળી.

એક ક્યારેથી બીજે ક્યારે રોપાવું ને ઊગવું મારે;
મહિયરની માટી સંગાથે આવી છું હું આંગણ તારે;
સ્નેહથી લે સંભાળી સાજન વ્હાલથી લે જે વાળી.

– તુષાર શુક્લ


Posted

in

by

Tags:

Comments

2 responses to “હું તો લજામણી ની ડાળી -તુષાર શુકલ”

  1. Bharat Bochiya Avatar
    Bharat Bochiya

    Khub j sundar kavya.

    1. Maya Raichura Avatar
      Maya Raichura

      thanks for visit on my blog .

Leave a Reply to Maya RaichuraCancel reply

%d bloggers like this: