જો જો હોં ! છેતરાતા નહી .

હમણાં થી ‘તમને અમુક રકમ ની લોટરી લાગી છે .’ના ફોન બહુ આવે છે . તમને બીજો ફોન નંબરઆપી  ત્યાં થી ડીટેલ મેળવવા નું કહેવા માં આવે અને તમે તે નંબર ઉપર ફોન કરો એટલે તમને પૂછે કે રૂપિયા કેશ લેશો કે તમારા અકાઉન્ટ માં જમા કરવા છે ?અને પછી તમારા બેંક અકાઉન્ટ ની ડીટેલ પૂછે અને જો તમે કેશ લેવાનું કહો તો અમુક રકમ પહેલા ડીપોઝીટ કરવા નુંકહેશે.અમારી સાથે આજે આવું જ બન્યું .મારા પતિ એ ડીટેલ માંગી તો એસ બી આઈ (સ્ટેટબેંક ઓફ ઇન્ડિયા ) નું નામ આપ્યું અને મારા પતિ એ જયારે બેંક ના મેનેજર સાથે વાત કરવા નું કહ્યું તો ફોન કાપી નાખ્યો .મતલબ સાફ છે ને !જો હા કહો તો હાથ કપાય અને ના કહો તો ……

આવા લોકો થી સાવધ રહેવું જરૂરી છે કોઈ પણ પ્રકાર ની મીઠી વાતો કે લલચામણી ઓફરો થી છેતરાવું નહી કે કોઈ ને પણ આ પ્રકાર ની આપણી માહિતી આપવી નહી .તો બી એલર્ટ .

મીઠા સંભારણા

આજે પોષી પુનમ છે .આજે ચાંદ પૂર્ણ કળાએ ખીલે છે .ગુજરાત માં ઘણા ઘરો માં આજે નાની બાળા ઓ વ્રત રાખે છે . આખો દિવસ ફળ ચીક્કી વગેરે ખાય છે અને રાતે ચાંદ નીકળે પછી અગાશી એ ભાઈ બેન સાથે જાય છે . રોટલી માં ગોળ છેદ કરી તેમાંથી ચાંદ ના દર્શન કરે અને બોલે કે,

‘ચંદા તારી ચાંદની , મારી પોષી પુનમ ,

ભાઈ જમ્યો ,બેન ભુખી ,

ભાઈ , બેન રમે કે જમે ?

આમ બોલ્યા પછી ભાઈ કહે કે બેન જમે . અને પછી ભાઈ પોતાનાં હાથે બેન ને કોળીઓ ભરાવે . ખુબ મઝા કરે .ભાઈ  બેન ને ભેટ પણ આપે અને બેન ચાંદ પાસે ‘મારો ભાઈ સુખી રહે ,એને કોઈ ની નજર ના લાગે ‘ એવા આશીર્વાદ માંગે .

એક વખત મારી નાની બેન ને ભાઈ સાથે ઝગડો થયેલો ,તો પપ્પા એને ખીજેલા . એણે મન માં નક્કી કર્યું કે આજે તે મારી નાની બેન ને જમવા નું નહી પણ રમવા નું કહેશે અને પછી પોતે સુઈ જશે .મારી નાની બેન એકલી કોની સાથે રમે ? એમ મન માં ગાંઠ વાળી . રાતે દર વરસ ની જેમઅમે ત્રણે બેનો અને ભાઈ અગાશી એ ગયા .અમે ચાંદ ના દર્શન કરી પૂછ્યું કે ભાઈ બેન રમે કે જમે તો અમને બે બહેનો ને તો જમવાનું કીધું પણ નાની બેન જેની સાથે ઝગડો થયેલો , એને કીધું કે બેન રમે . અમે ઘણો મનાવ્યો પણ ના માન્યો કા .કે તે તો અમારા ત્રણે થી નાનો . જીદ જ લઈ ને બેઠેલો .અંતે મારી નાની બેન રડી ને સુઈ ગઈ .આજે પણ આ નીર્દોષ પ્રેમ નો પ્રસંગ મારા માનસપટ પર એવો જ અંકિત થએલો છે .દર વરસે પોષી પુનમ ના દિવસે આ પ્રસંગ  ની યાદ આવે અને એ બચપન ના દિવસો જે ભાઈ બેનો એ સાથે ગાળેલા તે સ્મૃતિ પટ ઉપર છવાઈ જાય એ રીસામણાં , મનામણાં ના દ્રશ્યો એક પછી એક કોઈ ફિલ્મ ની જેમ આંખો સામે ઉભરાઇ જાય અને આંખ ને મન ને આદ્ર બનાવી જાય .

હમેશ ની જેમ આજે પણ એજ બન્યું , અને મન ની વાત કાગળ પર કોરાઈ ગઈ .આવા મીઠા સંભારણા જ તો સંબંધો અને લાગણીઓ ને જીવંત રાખે છે .

બાળ દિન

૧૪ મી નવેમ્બર આવી ! યાદ છે ને ! શ્રી પંડિત જવાહરલાલ નહેરુ નો જન્મ દિન આપણે બાળદિન તરીકે ઉજવીએ છીએ કા. કે એમને બાળકો બહુ વહાલા હતા . બાળકો પણ  લાડ માં એમને નહેરુ ચાચા કહેતા . વરસો થી બાળ દિન ઉજવીએ છીએ એક દિવસ માટે. એ દિવસે બાળકો ઉપર ખુબ વહાલ ની વર્ષા થાય , કપડા , મીઠાઈ , રમકડા પુસ્તકો ,ઇનામો બધું વહેચાય .પણ પછી શું ? બીજા દિવસ થી બાળકો ની એજ યાતના , પીડા , મજુરી પાછુ શરુ . આઝાદી ના આટલા વર્ષો  પછી પણ બાળકો આઝાદ નથી . એમને ભણવું હોય તો ય ભણી શકતા નથી , ખેલવા કુદવા ના દિવસો માં મજુરી કરવી પડે છે . એમના કોમળ હાથો માં પેન  ને બદલે  મજુરી ના ઓજારો  પકડાવી દેવા માં આવે છે . ગરીબ કુટુંબ માં બાળક ની દશા એટલી ખરાબ હોય છે કે થોડા રૂપિયા માટે બાળક ને વેચી દેવા માં આવે છે , તાજા જન્મેલા બાળક ને  રસ્તે રઝળતા મૂકી દેવા માં આવે છે , એબાળકો અનાથ આશ્રમ માં મોટા થાય છે   અને પારાવાર દુઃખો નો સામનો કરે છે .અને આપણે એક દિવસ બાળદિન ઉજવી ને પોરસાઈએ છીએ .શું આ સાચી ઉજવણી છે ? ના , બાળકો તો કુમળા છોડ  જેવા હોય છે ,એને જેમ વાળો તેમ વળે . એમને પ્રેમ થી જે સમજાવો તે સમજે .બાળકો ને યોગ્ય પોષણ , શિક્ષણ મળે તે જોવા ની આપણી  ફરજ છે . આ તો ઉપવન ના ફૂલડાં છે , યોગ્ય માવજત થાય તો સુંદર રીતે ખીલી ઉઠે  નહી તો કરમાતા ય વાર નહી . ભણતર ના બોજ નીચે કે ગરીબી  કે મજુરી ના બોજ નીચે આ કુમળા બાળકો નું  બાળપણ હોમાઈ રહ્યું છે . આમાં વાંક કોનો ?બિચારા બાળકો નો તો નહી જ ને ? બાળકો ના મધુર હાસ્ય અને કિલકારીઓ ક્યાં ખોવાઈ ગયા છે ? એને બદલે મેનર્સ ના પાઠ શીખવાડવા માં આવે છે .સ્કુલ બેગ ના ભાર થી લદાયેલા બાળકો ને જોઈ ને દયા આવે છે . મોટો ના વાંકે બિચારા બાળકો ને સહન કરવું પડે છે .અત્યાચાર નો અતિરેક થતા બાળકો ઘર છોડી ને ભાગી જાય છે અને ખરાબ લોકો ની સંગત એમને ગુનેગાર બનાવે છે .આજે માતાપિતા  પોતાનાં નોકરી ધંધા માં એટલા વ્યસ્ત હોય છે કે એમને બાળકો માટે સમય હોતો નથી અને ધનવાનો  પોતાનાં બાળકો  ને પૈસા થી જ સઘળું સુખ આપવા માં માનતા હોય છે , એમને માટે બાળકો સાથે રમવું કે તેમનીપ્રવૃત્તિ ઓ  માં ભાગ લેવો એ વેવલાવેડા છે .એલોકો ભૂલી જાતા હોય છે કે બાળકો ને માટે સૌ થી અગત્ય એમનો પ્રેમ છે , માબાપ ની હુંફ છે .એબાળકો ને  મોટા થાય પછી માબાપ માટે સમય કે લાગણી હોતા નથી .

આજે મને એક પ્રસંગ યાદ આવે છે .મારા દીકરા ને એક દિવસ મોરલ સાયન્સ ના વિષય માં એક પ્રશ્ન પૂછેલો ,’આખા દિવસ માં મમ્મી ને તમે શું ઘર માં હેલ્પ કરી ?’ અને મારા દીકરા એ જે જવાબ આપેલો તે સાંભળી બધા ખુબહસ્યાઅને ટીચર પણ ખુશ થઇ ગયા ,એની પીઠ થાબડી અને એની ફીલીંગ ને આવકારી . મારા દીકરા નો જવાબ આ પ્રમાણે હતો  કે મારી મમ્મી મારા માટે નાસ્તો બનાવે ,એ હું ખાઈ લઉં , તૈયાર થઇ સ્કુલે આવું ,ધ્યાન થી ભણું , ઘરે જઈ જમી ,થોડીવાર રમી હોમવર્ક કરું , અને મમ્મી સાથે વાતો કરું  અને ભગવાન ને યાદ કરી સુઈ જાઉં ‘. આ બધી હેલ્પ કરું છું  . ટીચરે પૂછ્યું આને હેલ્પ કેવી રીતે કહેવાય ત્યારે એણે જે જવાબ આપ્યો એ ટીચરને સ્પર્શી ગયો  . એણે કહ્યું કે જો આ બધુ હું ના કરત તો મારી મમ્મી ની બધી મહેનત વેસ્ટ થાય અને એ દુખી થાય . એ મારી પાસે થી આજ ઇચ્છતી હતી અને એજ મે કર્યું એટલે એનાથી બેસ્ટ હેલ્પ બીજી કોઈ હોય ? હું ખુબ ખુશ થઇ કે આટલી નાની ઉમર માં પણ તેની ફીલીંગ કેટલી ઉત્તમ છે  મે એના પર ખુબ વહાલ વરસાવ્યું . આજે તે ૨૬ વરસ નો છે  પણ તેની ફીલીંગ આજેય એવીજ બરકરાર છે કે મને જે મળ્યું એનો સદ ઉપયોગ થાય હું જે ભણ્યો એનો લાભ બીજા ને પણ મળે એટલેજ એણે એક પોતાની વેબ સાઈટ શરુ કરી મેનેજમેન્ટ ના સ્ટુડન્ટમાટે જેનું નામ છે ‘ management paradise. com ‘.ખુબ ફેમસ છે અને એનો એક વિશાળ ચાહક વર્ગ છે .

કહેવાનું એટલું જ કે દરેક બાળક ની  પાયા ની જરુર્રીયાતો પુરી થવી જોઈએ .એ જોવાની આપણા સર્વ ની ફરજ છે .યોગ્ય તક મળતા દરેક બાળક એક સારો નાગરિક બની શકે છે . આજ નો બાળક  કાલ નો નાગરિક છે .દેશનું ભાવી એલોકો ના હાથ માં છે .

દીવાળી

સૌ ને મારી દીવાળી ની શુભેચ્છા .તનમનધન ની શુદ્ધિ નો અવસર એટલે દીપાવલી . આપ સૌ ના જીવન માં આ દીપોત્સવ આતમ નું અંધારું દુર કરી જ્ઞાન ના ઓજસ રેલાવે.  આપ સૌ ના જીવન માં આનંદ ની છોળો ઉડે , સુખ ની શરણાઈઓ  ગુંજે ,પરસ્પર પ્રેમ ના સુરો વહે , અને સુખ સમૃદ્ધિ ની વર્ષા થાય ,પ્રગતી  ના શિખરો સર કરો  એવી મંગળ કામના . શુભ દીપાવલી .

સંવાદ

માનવ  – ભગવાન  મને કરોડપતિ બનાવી દો .

ભગવાન – વત્સ તું તો કરોડપતિ જ છે ને .

માનવ – શું પ્રભુ ? મારી પાસે લાખ રૂપિયા નથી ને તમે કરોડપતિ કહો  છો ?

ભગવાન – વિચારી ને ગણતરી કરી જો ,તારા બધા અંગો અમુલ્ય  છે પણ કીમત મૂકી જો .

હ્ર્દય ,ફેફસા , જ્ઞાનતંત્ર ,જઠર , હાથ પગ , આંખો ,કાન નાક એની કીમત કેટલી ગણાય ?

માનવ – એમાં શું ,એ તો તમે બીજા પ્રાણીઓ ને પણ આપ્યા છે .

ભગવાન – તું ભૂલે છે ,હાથી કે ડાયનોસોર કરતાંય મોટું મગજ તને આપ્યું છે ,વળી  લાગણી પ્રેમ બુદ્ધી એપણ બીજા કરતા તારી પાસે વધારે છે એનો તું ખુબ ઉપયોગ કરી સારું જીવન જીવી શકે છે .આનાથી વધુ શું જોઈએ ?

માનવ – એ  તો બધું ઠીક છે ,

ભગવાન – તો તારે જે  ન જોઈએ  તે પાછુ આપી દે .એના બદલામાં  એના તને રોકડા રૂપિયા મળશે .

માનવ – આ લાગણી , રાત ની ઊંઘ આ હ્રદય  બધું પાછું લો .

ભગવાન – તથાસ્તુ . આના બદલામાં તનેએટલા રૂપિયા મળશે .પણ એ રૂપિયા થી તું સુખી નહી શકે કા કે એને અનુભવી શકાય એ અંગો તો તે પરત કર્યા છે .એનાથી તને અનિંદ્રા , બ્લડપ્રેશર ,ડાયાબીટીશ , મંદબુદ્ધિ , લકવા જેવા રોગો  જરૂર મળશે .

હવે તમે વિચારી જો જો કે તમારે શું પાછુ આપવું છે ? કે પછી ભગવાને જે આપ્યું છે તેને ખુશી થી માણવું છે ? વીચારો  વીચારો  નિરાંતે વીચારો .

 

દીવાળી

દીવાળી ના તહેવાર માં ધ્યાન માં રાખવા જેવી બાબતો :

દીવાળી ના ઉત્સાહ માં આપણે એવા મશગુલ બની જઈએ છીએ કે નાની બેદરકારી કે ભૂલ ના કારણે તહેવાર નો મૂડ  બગડી જાય છે .આપણે સારીરીતે આપણો આ તહેવાર ઉજવવો હોય તો થોડું ધ્યાન રાખવું આવશ્યક છે . બહેનો ઘર ની સાફ સફાઈ કરતી વખતે કાંઈ તોડફોડ ના થાય તેનું ધ્યાન રાખે . સ્ટુલ ઉપર ચડી કામ કરતી વખતે પડી ના જવાય તેનું ધ્યાન રાખવું . મો ઉપર પાતળું કપડું બાંધી સાફ સફાઈ કરવી જેથી એલર્જી ની તકલીફ ના થાય . દરેક સભ્ય ની હેલ્થ સારી રહે માટે બને ત્યાં સુધી ઘર માં જ મીઠાઈ ,ફરસાણ બનાવવા જોઈએ .શક્ય હોય તો બહાર ની મીઠાઈ ખાવાનું ટાળો કા કે માવાની મીઠાઈ જલ્દી બગડી જાય છે ,વળી તેમાં ફૂડ કલર ,એસન્સ વાપરેલા હોય છે જે હેલ્થ ને નુકસાન કરે છે .ઘર માં લાઈટીંગ ના તોરણો લગાવવા માં પણ  ધ્યાન રાખવું બલ્બ ,વાયરિંગ .વગેરે ચેક કર્યા બાદ જ લાઈટીંગ તોરણો લગાવવા .દીવા પ્રગટાવતી વખતે પણ સાડી ના છેડા નું , દુપટ્ટા નું ધ્યાન રાખવું .ઘર માં નાના બાળકો દીવા ને અડે નહી તેવી રીતે રાખવા .ફટાકડા ફોડતી વખતે બાળકો ની સાથે ઘર ની કોઈ વડીલ વ્યક્તિ એ સાથે રહેવું ,બાળકો ને જાતજાત ના અખતરા કરવા ગમે છે  પણ ફટાકડા ફોડતી વખતે કોઈ અખતરા કે અટકચાળા ન કરવા દેવા . બાળકો તો અણસમજુ હોઈ તોફાન કરે પણ નાની એવી ભૂલ કાયમ ની મુશ્કેલી બની ન જાય તેનું ધ્યાન રાખો . ઘણી વાર રોકેટ  કોઈ ના ઘર માં જઈ ને ફૂટે છે અને આનંદ નો દિવસ શોક માં ફેરવાઈ જાય છે માટે એવા ફટાકડા ખુલ્લા મેદાન માં ફોડો . બને ત્યાં સુધી ધ્વનિપ્રદુષણ  ફેલાવે એવા ફટાકડા ફોડવાનું ટાળો . આપણા ઘર ની આજુ બાજુ કોઈ બીમાર વ્યક્તિ હોય ,તો એમને તકલીફ ના થાય તેનું ધ્યાન રાખો .

અને છેલ્લે બહુ અગત્ય ની વાત કે દીવાળી ઉજવો પણ આપણું પર્યાવરણ સચવાય એમ ઉજવો અને હા આપણાં ગરીબ ભાઈ બહેનો  , અનાથ બાલકો કે પછી નિરાધાર વડીલો ને ના ભૂલતા હોં .એમને પણ મીઠાઈ ,ફટાકડા , કપડા આપી ખુશ કરો .કા કે કોઈ ની મદદ કરી ને મન અતિ પ્રસન્ન થાય છે અને તહેવાર નો આનંદ બેવડાઈ જાય છે .તો આવો સૌ સાથે મળી ને નિર્વિઘ્ને દીવાળી ઉજવીએ .આપ સૌ ને દીવાળી ની શુભ કામના .

પ્રકુતિ ની વ્યથા

અરે થોભો , જરા સાંભળો , આ શું કરો છો ?અરે મારી વાત કેમ કોઈ સાંભળતું નથી? હવે હું શું કરું ? કોને કહું મારી પીડા ?આ લોકો ગાંડા થયા છે ,કોઈ  સમજતા જ નથી. પોતાનાં સ્વાર્થ માટે મને પીડી રહ્યા છે . મારા જળ ને ગંદુ કરી રહ્યા છે . મને માતા કહે છે અને મારા જલ માં ગટરો ની ગંદકી ઠાલવે છે . મારા જળ માં ફેક્ટરીઓ નું ઝેરી રસાયણ છોડી મને પ્રદુષિત કરી રહ્યા છે .કહે છે માત અને મારે છે લાત . મારા જળ ના આધારે રહેલા મારા જળના જીવો તરફડી ને મરી જાય છે . મારો સદુપયોગ કરવા ના બદલે મને નાથવા ના પ્રયત્ન કરે છે . પણ એ સમજતા નથી કે આમ કરી ને એ લોકો પોતાનાં જ પગ ઉપર કુહાડી મારી રહ્યા છે . યાત્રાળુઓ આવી ને મને વંદન તો કરે છે પણ કચરો પણ મારા માં નાખે છે .શું કોઈ બાળક પોતાની માં સાથે આવું કરે ? અને કરે તો માં સહન કરે ? પાણી અને વાણી નો દુરુપયોગ ના કરો એમ બધા કહે છે .પણ અમલ કરે છે ? આ દુષ્ટતા ના કારણે મારા જળ સુકાવા માંડ્યા છે . મારું જળ મલીન બની ગયું છે  પીવા લાયક  તો રહ્યું જ નથી .મારું જળ જે અમૃત સમાન ગણાતું એ આજે પશુ ઓ ને કામ નું નથી .મને પણ ગુસ્સો આવે છે અને એટલે જ હું મારું રુદ્ર સ્વરૂપ બતાવી ચેતવું છું .મારા તટ પર ઉભેલા આ વૃક્ષો પણ ડરે છે આ માનવી થી ,થર થર કંપે છે કે જાણે હમણા જ કોઈ આવી ને મને કાપી નાખશે . એપોકારી ને કહે છે  હું તમારો મિત્ર છું , મને કાપો નહી પણ બધા જાણે નદી, ધરતી, વૃક્ષો ના દુશ્મન બની ગયા છે .કોઈ સમજતું જ નથી ને હું બુમો પાડી ને  પોકારું છું મને બચાવો,કોઈ મારી મદદ કરો .તમે મને બચાવો હું તમને બચાવીશ . હવે મારી સહન શક્તિ  પુરી થઇ ગઈ છે  . પછી કેતા નહી કે અમને ખબર નોતી . જો નહી સમજો , નહી સુધરો તો પરિણામ માટે તૈયાર રેજો .અમે તમારી જિંદગી નું અવિભાજ્ય અંગ છે . અમારી કાળજી લેવી તમારી ફરજ છે . નવી પેઢી ને ખુશહાલ જીવન અને પ્રકૃતિ ની સુંદરતા  મળે એવું જો ઇચ્છતા હોય તો આજ થી જ અમાનવીય કૃત્યો છોડી દો . વધુ વૃક્ષો વાવો અને પાણી  નો સંગ્રહ કરો . પ્રકૃતિ એનું રુદ્ર સ્વરૂપ બતાવે એ પહેલાજ તમે એનું જતન કરો .જળ ને મલીન કરવાનું છોડો .બિચારા મૂંગા જીવો ના નિસાસા શાને લોછો ? એમને પણ આ ધરતી પર જીવવા નો હક છે  .પાંદડા અને પાણી જેનો ખોરાક છે એ કેમ બગાડો છો? હજુ સમય છે સમજી જાવ . નહી તો આવતી પેઢી  આ દુશકૃત્ય માટે તમને  ગુને ગાર માનશે અને તમારી પાસે એનો જવાબ નહી હોય . કદાચ એવું પણ બને કે પ્રદુષિત પર્યાવરણ ને કારણે દરેક ઘર માં રોગીષ્ટ અથવા ખોડ વાળું બાળક જન્મે . મારું કામ હતું તમને સમજાવાનું  .હવે તમારે વિચારવાનું.

પ્રકૃતિ માં નું સ્વરૂપ  છે . માં ના પ્રેમ નો આનંદ લેવાય ,માં ને બરબાદ ના કરાય .

હે !રામ કૃષ્ણ તમારી ગંગા જમુના મેલી થઈ ગઈ ,આ માનવી ની કુબુદ્ધિ ને લીધે .

આમ કહીપ્રકૃતિ એ પોંતા ની હૈયાવરાળ ઠાલવી.પોતાની વ્યથા વર્ણવી .કા કે એને હજુ માનવી માં થોડો વિશ્વાસ છે .

શિક્ષક દિન

શિક્ષક દિન

ખુબ સાદી અને  સરળ રીતે કહી શકાય કે જે શિક્ષા આપે તે શિક્ષક . જે જીવન  ઘડતર મા મદદ રૂપ થાય અને જીવન  ના મૂલ્યો ની સાચી સમજ આપે એ શિક્ષક .શિક્ષક નું યોગદાન સમાજ મા ઘણું મહત્વ નું છે .શિક્ષક ફક્ત ભણાવતા જ નથી ,વિદ્યાર્થી  ના જીવન મા સારા સંસ્કારો નું સિંચન કરી પાયો મજબૂત બનાવે છે . વિદ્યાર્થી  ની કાર્ય ક્ષમતા ને ઓળખી , તેનાં રસ રુચિ પ્રમાણે તેનાં જીવન ની દિશા નક્કી કરવા મા મદદ કરે છે . સારા શિક્ષક વિદ્યાર્થી ને તેની ઉણપ દેખાડી હડધૂત કરતા નથી પણ એને ઉણપ ને દુર કરવા મા મદદ કરે છે . જીવન મા પ્રગતી નો માર્ગ મોકળો કરવા માં મદદ કરે છે . બાળપણ થી જ શિક્ષક અને બાળક સાથે એક સેતુ રચાય છે , જે  ધીરે ધીરે મજબૂત બને છે અને એના જીવન માં એક અમિટ છાપ છોડી જાય છે . બાળક નું મન તો કોરી સ્લેટ જેવું હોય છે , એના પર શિક્ષક ના વર્તન ની સારી  કે  ખરાબ છબી ઉપસતી હોય છે .દર વરસે ૫ મી સપ્ટેમ્બરે શ્રી સર્વપલ્લી રાધા કૃષ્ણ ના જન્મ દિવસ ને શિક્ષક દિન તરીકે ઉજવાય છે . શું આ ઉજવણી થી કાંઈ સિદ્ધ થાય છે ? આજે પણ નાના ગામડાઓ માં છોકરીઓ ને કહેવા માં આવે છે ,’તારે ભણી ને શું કામ છે , ઘરકામ શીખ .’ આટલા વરસો ની શિક્ષક દિન ની ઉજવણી  થાવા છતાં નાના ગામડા નું જનમાનસ કેમ બદલાયું નથી ? કારણ સૌ જાણે જ છે પણ ઉપાય માં કોઈ ને રસ નથી . શિક્ષણ સંસ્થા માં બાળકો ની સલામતી જોખમ માં હોય છે , અત્યાચાર ,બળાત્કાર ના કિસ્સાઓ  બાળકો ને શિક્ષણ થી વંચિત રાખવા માં મહત્વ નો ભાગ ભજવે છે . તો શહેરો માં મોંઘુદાટ  શિક્ષણ  , અંગ્રેજી ઉચ્ચ શિક્ષણ ની ઘેલછા , આંધળું  અનુકરણ શિક્ષણ ને વિકૃત બનાવે છે . આજનું શિક્ષણ સાક્ષર તો બનાવે છે પણ પગભર નથી બનાવતું . આજે બાળકો ને ગમ્મત સાથે જ્ઞાન ના બદલે બોજા રૂપ ભણતર લાગે છે . બાળકો નું બચપન પુસ્તકો ના ભાર તળે દબાઈ ગયું છે .બળદ ની જેમ સ્કુલ બેગ નો ભાર વેંઢારતા બાળકો ની ક્યા કોઈ ને દયા આવે છે ?શિક્ષક અને શિક્ષણ બંને ને અનીતિ નો લુણો લાગી ગાયો છે .પોપટ ની જેમ ગોખી પરીક્ષા પાસ કરવી એજ આજના વિદ્યાર્થી નું લક્ષ્ય બની ગયું છે .સંસ્કાર ધામ ગણાતી શાળાઓ  અનીતિ ના ધામ બની ગઈ છે . આ બધા દુષણો ને નાથવા ના ઉપાયો વિષે તો વિચારવું જ પડશે ને ! કોઈ નક્કર પગલા લેવા પડશે ,તો જ શિક્ષક દિન ની ઉજવણી લેખે લાગશે .

 

બ્રહ્મકમળ

કુદરત ની કરામત :- ફક્ત રાતે થોડા કલાકો માટે જ ખીલતું પુષ્પ પણ આસપાસ ના વાતાવરણ ને સુગંધ થી મઘમઘાવી  દે .પોતાનાં અસ્તિત્વ નો પમરાટ પસરાવી  દેતું  અને મને ખુબ જ ગમતું આ પુષ્પ .

બ્રહ્મ કમળ

દોસ્તી

મારી દોસ્તી અનોખી ને મારા દોસ્ત પણ અનોખા ,

કહેવાય સહુ વૃક્ષ પણ ફલ ફૂલ પાન બધાના નોખા નોખા ,

દરેક ના ખીલવા ના અંદાજ નોખા નોખા ,

પણ આપે સહુ ને આનંદ  એક સરખા .

મેં તો દોસ્તી કરી મારા  આંગણ માં ખીલેલા  વૃક્ષો સાથે . મારા એ મિત્રો  મને ખુબ જ વ્હાલા છે .મને  એની ડાળીઓ નું  હવા ની લહર સાથે  આમતેમ  ઝુમવું એ જોવું ગમે . એક સારા મિત્ર ની જેમ જ મને  એમનો  સથવારો છે .એમને જોતાં જ ઉદાસ  મન ફરી પાછુ  આનંદિત થઈ જાય . એમનો કોમળ સ્પર્શ  અને ભીનાશ  મને પણ આદ્ર બનાવી દે . એમને પાણી પાતાકેટલીયે વાતો કરી લઈએ. મન પ્રસન્ન થઈ જાય.પાન  પીળું ખરી પડે તો દુઃખ થાય અને  નવી કુંપળ ફૂટે તો અનહદ આનંદ થાય .એ ખીલે તો હું પણ ખીલુ અને  એ મુરઝાય તો હું પણ મુરઝાઉ .એમને  ગમે તવા વિપરીત સમય માં પણ અડીખમ ઉભેલ જોઈ મને જીવનમાં ઘણું શીખવાનું મળે .એમની પરોપકારિતા મને આકર્ષે છે ઘટાદાર  વૃક્ષ ની બખોલ માં  માળા બાંધતા પંખી , ફૂલો નો પમરાટ અને ભમરાનો ગુંજારવ ,કોયલ ના મીઠા ટહુકા રોજ સાંભળી પલ્લવિત થઈ જાઉં .બોલો ,કોને આવા દોસ્ત ના ગમે ?ઠંડી તડકો વરસાદ સઘળું સહન  કરે  પણ બીજા ને શીતળતા અને આનંદ આપે .અરે પત્થરમારે  તેને પણ ફળ આપે  એવા મારા દોસ્તો જેવા બીજા દોસ્ત મળે ખરા ?વિચારજો અને જો તમને પણ મન થાય તો મારી જેમ આવા દોસ્ત બનાવી લેજો .એતો બહુ ભલા છે તરતજ દોસ્ત બની જશે . તો હવે એડ કરી દો તમારા જીવન  માં આ દોસ્તો ને અને ગેરંટી મારી કન્ફર્મેશન તરતજ મળી જશે .કા કે  એપણ  આપની દોસ્તી માટે તડપે છે .તો  બધાને હેપી ફ્રેન્ડશીપ ડે.આજના દિવસે આ સરસ કાવ્ય કેમ ભુલાય .

મૈત્રી ભાવનું પવિત્ર ઝરણું મુજ હૈયા માં વહ્યા કરે ,

શુભ થાઓ આ સકળ વિશ્વ નું એવી ભાવના નિત્ય રહે .

ગુણ થી ભરેલા ગુણીજન દેખી હૈયું મારું નૃત્ય કરે ,

એ સંતો ના ચરણ કમળ માં મુજ જીવન નું અર્ધ્ય રહે .

માર્ગભૂલેલા  જીવન  પથિક ને  માર્ગ ચિંધવા ઉભો રહું ,

કરે ઉપેક્ષા એ મારગ ની તો એ સમતા ચિત્ત ધરું .